मोहबाळा रोड परिसरातून हिरो स्प्लेंडर दुचाकी चोरी; वरोरा पोलिसांत गुन्हा दाखल.

मोहबाळा रोड परिसरातून हिरो स्प्लेंडर दुचाकी चोरी; वरोरा पोलिसांत गुन्हा दाखल.

वरोरा, दि. 23 जून : शहरातील मोहबाळा रोड परिसरातून घरासमोर उभी केलेली हिरो स्प्लेंडर मोटारसायकल अज्ञात चोरट्याने चोरून नेल्याची घटना उघडकीस आली आहे. याप्रकरणी वरोरा पोलीस ठाण्यात गुन्हा दाखल करण्यात आला असून पुढील तपास सुरू आहे.

पोलिसांनी दिलेल्या माहितीनुसार, अर्थव रंजीत बऱ्हाणपुरे (वय 27) रा. वरोरा,मोहबाळा रोड यांनी दिलेल्या तक्रारीनुसार त्यांची हिरो स्प्लेंडर (क्रमांक MH-34-CB-2312) ही मोटारसायकल 13 मे 2026 रोजी रात्री साडेअकराच्या सुमारास घरासमोर उभी केली होती. दुसऱ्या दिवशी 14 मे रोजी सकाळी सहा वाजता उठून पाहिले असता मोटारसायकल जागेवर आढळून आली नाही.

तक्रारदाराने परिसरात शोध घेतला असता वाहनाचा कोणताही तपास लागला नाही. चोरीस गेलेली दुचाकी काळ्या रंगाची असून तिची अंदाजे किंमत 40 हजार रुपये असल्याचे तक्रारीत नमूद करण्यात आले आहे.

दरम्यान, तक्रारदाराचे वडील गंभीर आजारी असल्याने त्यांच्यावर नागपूर येथील रुग्णालयात उपचार सुरू होते. त्यामुळे तक्रार दाखल करण्यास विलंब झाल्याचेही तक्रारीत नमूद करण्यात आले आहे.

या प्रकरणी अज्ञात चोरट्याविरुद्ध चोरीचा गुन्हा दाखल करण्यात आला असून पोलीस उपनिरीक्षक मनीष जगन्नाथ तळेवार पुढील तपास करीत आहेत.