*शिवसेना स्थापना दिनानिमित्त वरोऱ्यात रक्तदान शिबिराचे आयोजन*

*शिवसेना स्थापना दिनानिमित्त वरोऱ्यात रक्तदान शिबिराचे आयोजन* 

वरोरा, दि. 17 जून : शिवसेना वरोरा विधानसभा व चंद्रपूर जिल्हा सामान्य रुग्णालय यांच्या संयुक्त विद्यमाने शिवसेनेच्या स्थापना दिनानिमित्त भव्य रक्तदान शिबिराचे आयोजन करण्यात आले आहे. सदर शिबिर 19 जून 2026 रोजी दुपारी 12 ते 4 वाजेपर्यंत सिद्धकला लॉन्स, आनंदवन चौक, वरोरा येथे संपन्न होणार आहे.

सध्या चंद्रपूर जिल्हा रुग्णालयात रक्ताचा मोठ्या प्रमाणात तुटवडा निर्माण झाला असून गरजू रुग्णांना वेळेवर रक्त उपलब्ध व्हावे, या सामाजिक उद्देशाने या शिबिराचे आयोजन करण्यात आले आहे. जिल्ह्यातील सर्वसामान्य व आर्थिकदृष्ट्या दुर्बल रुग्णांना सहजतेने रक्त उपलब्ध करून देण्यासाठी हा उपक्रम राबविण्यात येत असल्याची माहिती आयोजकांनी दिली.

या निमित्ताने वरोरा विधानसभा क्षेत्रातील युवक, सामाजिक कार्यकर्ते तसेच ऐच्छिक रक्तदात्यांनी मोठ्या संख्येने सहभागी होऊन रक्तदान करावे व गरजू रुग्णांच्या जीवनरक्षणासाठी हातभार लावावा, असे आवाहन करण्यात आले आहे.

शिवसेना जिल्हाप्रमुख तथा कृषी उत्पन्न बाजार समिती वरोरा संचालक नितीन केशव मते यांनी सर्व नागरिकांना या सामाजिक उपक्रमात सहभागी होण्याचे आवाहन केले आहे.

दिनांक 19 जून 2026 

स्थळ-सिद्धकला लॉन, आनंदवन चौक