भांडी चमकविण्याच्या बहाण्याने सोन्याची फसवणूक करणारी आंतरराज्य टोळी जेरबंद; वरोरा पोलिसांची धडाकेबाज कारवाई

भांडी चमकविण्याच्या बहाण्याने सोन्याची फसवणूक करणारी आंतरराज्य टोळी जेरबंद; वरोरा पोलिसांची धडाकेबाज कारवाई

वरोरा, दि. १० जून : भांडी चमकवून देण्याच्या बहाण्याने नागरिकांची सोन्याची दागिने लंपास करणाऱ्या आंतरराज्य टोळीचा वरोरा पोलिसांनी पर्दाफाश केला असून तीन आरोपींना अटक करून त्यांच्याकडून सुमारे ६.२० लाख रुपयांचा मुद्देमाल जप्त करण्यात आला आहे.

याप्रकरणी पोलीस स्टेशन वरोरा येथे अपराध क्रमांक ७२१/२०२६ अंतर्गत भारतीय न्याय संहिता (BNS) कलम ३१८(४) अन्वये गुन्हा दाखल करण्यात आला होता.

फिर्यादी नथ्थु साधोजी दडमल (रा. वाल्मिकी वॉर्ड, वरोरा) यांच्या घरी दोन अनोळखी इसम आले. त्यांनी पितळ, तांबे व इतर धातूंची भांडी चमकवून देण्याचे आमिष दाखवले. त्यानंतर फिर्यादी यांच्या गळ्यातील सुमारे १५ ग्रॅम वजनाचा सोन्याचा गोफ स्वच्छ करून देण्याच्या बहाण्याने घेतला आणि हातचलाखी करत तो घेऊन पसार झाले.

घटनेची माहिती मिळताच पोलीस निरीक्षक ओमप्रकाश सोनटक्के यांच्या मार्गदर्शनाखाली डी.बी. पथकाने तपास सुरू केला. वरोरा आणि चंद्रपूर परिसरातील २०० हून अधिक सीसीटीव्ही फुटेजची तपासणी करण्यात आली. गोपनीय माहितीच्या आधारे चंद्रपूर शहरातील एका ठिकाणी दोन दिवस पाळत ठेवून पोलिसांनी तीन संशयितांना ताब्यात घेतले.

या घटनेतील मुख्य आरोपी अटक करण्यात आले आहेत.

मो. आरिफ मो. बरखत अली (वय ४२ वर्ष)

निर्दोष बद्रीप्रसाद गुप्ता

पंकजकुमार सुखदेव शाहा (वय ४३ वर्ष)

सर्व आरोपी हे भागलपूर, बिहार राज्यातील रहिवासी असल्याचे निष्पन्न झाले आहे.

चौकशीदरम्यान आरोपींनी वरोरा, बल्लारशाह, सावली, घुग्घुस, राजुरा तसेच इतर जिल्ह्यांमध्येही अशाच प्रकारचे गुन्हे केल्याची कबुली दिली.

जप्त मुद्देमाल

१५ ग्रॅम वजनाचा सोन्याचा गोफ – ₹१.५० लाख

सोन्याचे डोरले, मणी व कानातील दागिने – ₹५० हजार

चार सोन्याच्या अंगठ्या – ₹२.६० लाख

दोन सोन्याचे डोरले – ₹६० हजार

गुन्ह्यात वापरलेल्या दोन मोटारसायकली – ₹१ लाख

एकूण जप्त मुद्देमाल : ₹६.२० लाख

ही कारवाई जिल्हा पोलीस अधीक्षक, अतिरिक्त पोलीस अधीक्षक व उपविभागीय पोलीस अधिकारी यांच्या मार्गदर्शनाखाली पोलीस निरीक्षक ओमप्रकाश सोनटक्के यांच्या नेतृत्वात डी.बी. पथकातील अधिकारी व कर्मचाऱ्यांनी यशस्वीरीत्या पार पाडली.