डीएपी खताच्या तुटवड्याने शेतकरी चिंतेत; तातडीने पुरवठ्याची मागणीकृषी केंद्रांनी आगाऊ रक्कम भरूनही खत उपलब्ध नाही; शेतकरी प्रतिनिधींचे प्रशासनाला निवेदन

डी ए पी खताचा पुरवठा होत नसल्याने शेतकरी हवालदिल

कृषी केंद्रांनी अँडव्हान्स रक्कम देऊनही खताचा पुरवठा नाही

 उपविभागीय अधिकाऱ्यांना शेतकरी प्रतिनिधींचे निवेदन

 वरोरा 3/6/26

      शेतकऱ्यांचा हंगाम सुरू झाला असून बी बियाणे,खते खरेदी करण्याची लगबग सुरू झाली आहे.काही दिवसातच पावसाला सुरुवात होणार या अनुषंगाने बळीराजा आपल्या पुर्वतयारीत आहे.

   डी ए पी  डाय अमोनियम फॉस्फेट हे शेतीसाठी अत्यंत लोकप्रिय आणि फायदेशीर रासायनिक खत आहे.सदर खताचा पुरवठा कृषी सेवा केंद्रामार्फत केल्या जातो.परंतु जिल्ह्यात डी ए पी खताचा पुरवठा सध्य स्थितीत होत नसून जिल्ह्याच्या ठिकाणी बंपर स्टॉक असल्याची माहिती आहे.तरीसुद्धा ऐन हंगामात शेतकऱ्यांना डी ए पी खताचा पुरवठा होणे आवश्यक आहे.कृषी केंद्रांनी अँडव्हान्स रक्कम देऊनही हंगामाच्या तोंडावर खताचा पुरवठा होत नाही.त्यामुळे शेतकरी हवालदिल झाले असून हि एक शोकांतिका आहे.जिल्हा प्रशासनाने शेतकऱ्यांना खताचा पुरवठा होण्यासाठी आदेश निर्गमित करावा .खताचा साठा उपलब्ध असतानाही तुटवडा निर्माण केल्या जात असल्याचा शेतकऱ्यांचा आरोप आहे.खतांचा पुरवठा झाला तर पावसाळ्यापूर्वी शेतकरी आपल्या शेतात खत नेऊन सुरक्षित ठेवू शकतात. पावसाला सुरुवात झाली तर शेतामध्ये शेतकऱ्यांना खत नेण्यास अडचण होणार आहे.त्यामुळे शेतकऱ्यांना खताचा पुरवठा वेळीच व्हावा यासाठी शेतकरी प्रतिनिधींनी 2 जून2026 ला उपविभागीय अधिकाऱ्यांमार्फत जिल्हाधिकाऱ्यांना निवेदन देण्यात आले आहे.निवेदन देताना  जयंत टेमुर्डे वरोरा कृउबा समिती चे उपसभापती तथा संचालक सिडीसिसी बँक चंद्रपूर,  अरुण खारकर अध्यक्ष तालुका सेवा सहकारी संस्था संघटना ,सहसचिव उमेश टोंगे,कोषाध्यक्ष अभिमान काळे,सविता खंगार,आदींची उपस्थिती होती.