वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

घरमालक दाम्पत्याशी झालेल्या वादातून अपमान सहन न झाल्याने महिलेची आत्महत्या

Posted by on
घरमालक दाम्पत्याशी झालेल्या वादातून अपमान सहन  न झाल्याने महिलेची आत्महत्या

वरोरा : वरोरा शहरात शुल्लक वादातून महिलेने आत्महत्या केल्याचा प्रकार उघडकीस आला.
घरमालकाच्या त्रासाला कंटाळून दुसऱ्या ठिकाणी राहायला गेलेल्या दाम्पत्याशी जुन्या घरमालकाने वाद घालून जीवे मारण्याची धमकी दिली. या भांडणात अपमान सहन न झाल्याने महिलेने गळफास घेवून आत्महत्या केली. ही घटना ५ मार्चला उघडकीस आली असून याप्रकरणी जुने घरमालकांच्या कुटुंबीयातील पाच व्यक्तींना अटक केली.

वरोरा शहरालगतच्या बोर्डा ग्रामपंचायत हद्दीतील रामवाटिका वसाहतीत संतोष दिलीप मांडवकर व त्यांची पत्नी रीना किरायाने राहत होते. ५ मार्च रोजी दुपारी १२ वाजताच्या सुमारास संतोष मांडवकर दुकानातील काम आटोपून जेवण करायला घरी गेले असता, त्यांची पत्नी रीना (२७) ही पंख्याला गळफास घेतलेल्या अवस्थेत लटकलेली दिसली. ही माहिती त्यांनी नातेवाईक व पोलिसांना दिली. पोलीस घटनास्थळी पोहोचून मृतदेह उत्तरीय तपासणीकरिता उपजिल्हा रुग्णालयात पाठविला. दरम्यान, रीनाने आत्महत्येपूर्वी लिहून ठेवलेली चिठ्ठी पती संतोष व पोलीस यांच्या हाती लागली.

एकाच कुटुंबातील पाच जणांना अटक
त्यातील लिहिलेल्या मजकुरावरून रीनाने ४ मार्च रोजी जुन्या घरमालक दाम्पत्यांसोबत झालेल्या वादातून आत्महत्या केल्याचे स्पष्ट झाले. यामुळे रीनाचा पती संतोष दिलीप मांडवकर यांनी रात्री ८.३० वाजताच्या सुमारास पोलीस स्टेशन गाठून जुन्ऱ्या दाम्पत्यासह मुलगी, मुलगा व सून यांच्या विरोधात तक्रार देऊन रीनाच्या आत्महत्येला हे सर्व जबाबदार असल्याचा आरोप केला.
संतोषने तक्रारीत म्हटल्याप्रमाणे तो व पत्नी रिना बोर्डा परिसरातील मधुकर धोके यांच्या घरी किरायाने राहत होते. परंतु, घरमालकांसोबत वारंवार वाद होत असल्याने त्यांनी २० फेब्रुवारीला सदर घर सोडून बोर्डा ग्रामपंचायत हद्दीतील रामवाटिका वसाहतीत किरायाने घर घेतले. यानंतर ४ मार्चला सायंकाळी ५ वाजताच्या सुमारास जुने घरमालक मधुकर ढोके व त्यांची पत्नी, मुलगी यांनी तिथे येऊन भांडण केले आणि जीवे मारण्याची धमकी दिली. यानंतर मधुकर ढोके यांचा मुलगा धीरज व त्याची पत्नीने फोनवरून आणखी भांडण उकरून काढून रीनाला अपमानित केले. त्यामुळे रीना ने आत्महत्या केली असा आरोप संतोष मांडवकर यांनी केला आहे या तक्रारीवरून पोलिसांनी मधुकर ठोके यांची पत्नी व मुलगी मुलगा धीरज धोके व त्यांची पत्नी अशा पाच जनावर भारतीय दंड संहिता 2023 च्या कलम 108,352,351,(२),351(4),3(5) अन्वये गुन्हा दाखल करून अटक करण्यात आली. पुढील तपास पोलीस करित आहे.

Comments

Post a Comment